前言：寻晚既顺德聚会非常圆满，大家都好开心。

     15日2:00pm，我整理好后就出发到虎门。初初以为从桥头到虎门只需要1h左右，点知部车绕来绕去搞咗足足2h，之前同阿明约好3:00pm虎门车站会合，无办法，只好要阿明等。落车见到阿明，好开心，一个一年几无见既好朋友，我同距大学头三年都一般般，但自从一齐系中山毕业实习，我同距就渐渐成为好倾得既好朋友，记得果阵时我地成日偷懒走到大厦顶，睇住下面公路变得好细小既汽车，系度谈论住自己既将来，当时我地都带住DD揾工既忧虑。所以寻日见番阿明，觉得好亲切。会合之后我就俾咗个电话CHARLIE来车站接我地。CHARLIE毕业无几耐就已经买咗部CIVIC，当然距都一定要去参加今年既聚会啦，所以我地三个就系东莞哩边驱车往顺德。一路上三个人车上有讲有笑，完全唔觉得旅途既乏味。（需要提下既系，从虎门揸车到顺德，大家都唔识路，全靠CHARLIE同同事借咗个GPS定位，我地先可以以最快速度赶到目的地，来得切晚餐。）

    到咗顺德后，联系咗阿苏，聚会系一家叫做HLD既KTV。哩间KTV几唔错，装修都几OK，我地去到时其他人都到齐噜，包括：JOY基，散打，VISO哥，阿苏，波波，军佬，mm方面有花姐、霞姐、丽君及一位“家属”（JOY基GF）。大家一齐食咗自助餐，然后，倾计既倾计，唱K既唱K，色盅既色盅。同番以前班宿舍友仔倾计，都觉得好亲切好开心，尤其得知大家都过得几好。阿苏肚腩越来越大，JOY基依然鬼马，VISO哥依然猥唢，散打依然甘“强哥”，军佬依然甘有型，波波依然甘威猛。唯一缺席既就系文头，其实大家都好挂住距，因为距似乎系宿舍之中最大唔透，而且距依家系边工作我地都唔清楚，甚至连联系上都成问题，所以对距又有几分担忧，因为大家都希望大家过得好。

    大概十点半左右，几位mm（除咗JOY基GF）都要走先，因为考虑夜晚安全问题。于是就人齐先切咗蛋糕，其实无人生日，只系切蛋糕纪念。大家一齐食完蛋糕，mm们就走先，VISO个死仔包又话第日要加班，大家都留距结果都系要走，于是就交由距负责送各mm。

    之后，剩低我地一班老友记，嗌啤酒，集体大话色，饮酒食零食，就同以前大学时系校门口酒吧玩一样。寻晚我都唱咗好多首歌，虽然自己唱得嘛嘛，不过我都几中意唱，好玩。最经典系波波、CHARLIE同我三个人唱基仔既”劲歌金曲”，一人一句接，最好玩。因为开心，所以不知不觉都饮咗唔少。中间停咗一阵色盅，一齐唱K。JOY基既提议下来咗瓶CHIVAS，之后又玩起色盅，连JOY基GF都玩埋一份。阿明饮咗唔少，凌晨2:00左右就一边训低咗。之后陆续散打、军佬、CHARLIE都摊咗系沙发度训鬼咗，剩低波波、苏、JOY基两公婆同我系度疯狂K，点埋晒D”死了都要爱”、“向天借500年”、”2002第一场雪”之类D歌，嗌到声都唦晒，波波罗咗包金嗓子出来，“今晚唱到六点!”…汗～～一直搞到凌晨5点左右，大家都顶唔顺啦，都垒低晒…总结一下，寻晚终结咗5打啤酒+1瓶CHIVAS+N瓶绿茶。

    六点钟，大家有懒洋洋起晒身，准备去饮早茶。结果去得太早，茶楼都未开门，ding。等咗一阵，终于开门做生意，一班后生仔行入去，里面都系零零星星既公公婆婆饮早茶，系距地眼中可能觉得好稀罕（未见过后生仔甘鬼早同距地争位饮早茶，仲要甘多个坐张大台，呵呵）。因为太早未有野食，我地有坐系度倾咗成半粒钟先开始有野食，扫咗一餐之后就统计经费支出，AA之后就埋单闪人（大家都无训好，十分累），系茶楼停车场简单寒喧后，拥抱下击掌下，下一年再聚，下一站初定东莞or深圳。然后，各自上路。至此，此次聚会带住几分疲累而又好尽兴甘结束咗。

     16日9:00am左右，番到咗虎门，CHARLIE又将我同阿明送到虎门车站后，道别闪人，我同阿明亦坐上各自班车。

感想：好开心既一次聚会，虽然有D累，可能见面之前都无乜聚会既FEEL，不过聚会之后，又都系有D不舍，毕竟都系一齐度过4年大学既舍友OR隔离舍友，都好F。

    ～～出年见！

      蛋糕上面有2支蜡烛，好温馨 

    ～～依家哩首背景歌，寻晚同CHARLIE合唱咗好多次～